ஒலிம்பிக் போட்டி என்றது உலக நாடுகள் அனைத்தும் வரிந்து கட்டிக் கொண்டு களத்தில் குதிக்கின்ற ஒரு விளையாட்டு. இதில் ஒவ்வொரு நாடும் தன்னால் முடிந்த அளவிற்குத் தனது திறனைக் காட்டுகின்றது. இதில் இந்தியா எப்படி இருக்கிறது என்கின்றது இதப் பதிவு.
1928 - ம் ஆண்டு ஹாக்கிப் போட்டியில் இந்தியா தனது முதல் தங்கப் பதக்கத்தை ஒலிம்பிக்கில் பதிவு செய்தது. ஹாலந்தை எதிர்த்து 3 - 0 என்ற கணக்கில் பந்தையத்தை வென்றது. 2008 - ம் ஆண்டு ஒலிம்பிக் போட்டியில் இந்திய ஹாக்கி அணி தகுதி கூட பெறவில்லை என்பது குறிப்பிடத்தக்கது.
ஒலிம்பிக் போட்டிகளில் அதிகம் தங்கம் வெல்லும் நாடுகளில் சீனாவிற்கும் அமெரிக்காவிற்கும் எப்பொழுதுமே விருவிருப்பான போட்டி இருக்கும். ஆனால் இந்தியாவில் ஒலிம்பிக்கில் பங்கேற்கவே போட்டி இருக்கும்.
அது என்ன பங்கேற்கவே போட்டி என்றால் நிச்சயம் இந்தியா பல தங்கங்களை வென்றிருக்க வேண்டுமே என்று தோன்றலாம். ஆனால் இது அந்தப் போட்டி அல்ல. சற்றே வித்தியாசமானது.
இந்தியாவின் அரசியல் சீர்கேடுகளில் சிக்காமல் போன விசயமேதும் உண்டா என்ன? ஒலிம்பிக் தேர்வுக் குழுவில் அரசியல் கலந்தே இருப்பதாகத்தான் சாமானிய மக்களுக்கும் படுகிறது. 2008 பீஜீங் ஒலிம்பிக் போட்டிக்காக பளுதூக்கும் போட்டிக்குப் பங்கேற்கும் பெண்ணைத் தேர்ந்தெடுப்பதில் ஏற்பட்ட சர்ச்சை உங்கள் பார்வைக்கு.
மோனிகா தேவி என்பவர் பளுதூக்கும் பிரிவில் தேர்ந்தெடுக்கப் பட்டிருந்தார். அவர் தற்பொழுது ஊக்க மருந்து உட்கொண்டதாக வெளியேற்றப் பட்டிருக்கிறார். இவர் சமீபத்தில் அளித்த பேட்டியில், 4 சோதனைகளில் தேர்வான என்மீது திடீரென்று இந்தக் குற்றச்சாட்டு வந்திருக்கிறது என்கிறார் அவர். பீஜிங் அனுப்புங்கள், அங்கே நிச்சயம் தேர்வாவேன், இந்தியாவில் சரியான முறையில் சோதனை நடத்தப்படவில்லை என்கிறார். இதற்குக் காரணம் ஆந்திராவைச் சேர்ந்த ஷைலஜா பூஜாரி என்கிறார் இவர். அவரைத் தேர்ந்தெடுப்பதற்காகவே என்னை கடைசி நேரத்தில் இந்தச் சிக்கலில் மாட்டிவிடுகின்றனர் என்கிறார்.
எது எப்படியோ, ஆனால் ஒலிம்பிக்கில் பங்கேற்க சிறந்த திறமை மட்டும் போதாது, அரசியல் செல்வாக்கோ அல்லது பணவசதியோ இருத்தல் அவசியம் என்று மக்கள் எண்ணுவதை இது போன்ற சம்பவங்கள் ஊர்ஜிதப் படுத்துகிறது.
என்னைப் பற்றி
படைப்புகளை மின்னஞ்சலில் பெற...
http://groups.google.co.in/group/oliyavan
பதிவுகளைத் தவிர வேறெந்த மின்னஞ்சலும் அனுப்பப் படமாட்டாது
பதிவுகளைத் தவிர வேறெந்த மின்னஞ்சலும் அனுப்பப் படமாட்டாது
Thursday, August 7, 2008
Subscribe to:
Post Comments (Atom)
2 comments:
இந்த நிலையில் சென்றால் உருப்புட்டமாதிரிதான் ... பாஸ்கி மாத்தனும் ... எல்லாத்தையும் மாத்தனும் :)))
முதல்வம், அன்னியன், இந்தியன் போன்ற திரைபடங்களில் மட்டும் தான் இது சாத்தியமா???
Abhinav Bindra wins 10m air rifle gold in bejing olympics 2008 ... wow ... great news ... first gold for india ... hatsoff to him ...
Post a Comment